اللى يقرى تاريخ الثورات فى مصر لا يملك الا ان يقول هذه الكلمة اللى وردت فى احد مسرحيات عادل امام
متعودة داااااايما
مصر احسن بلاد العالم فى صنع الثورات النبيلة
اللى يقف لها العالم فى انبهار وتعظيما وتوقيرا
ونخفض لها الدول الجباه من شده جمالها
ثم
وبعد ثم دى حط 20 خط
عشان هنا كلمة متعودة ديما
بعدها علطول الناس بتختار من يمثلهم
ومن يمثلهم ده ذات نفسه
بيسلم السلطة والثورة والشعب للسلطة العسكرية الموجودة فى البلد
على فكرة انا مش بتكلم عن ثورة 25 يناير
دى الحكاية دى قديمة اوى فى من زمان
ممكن يكون لها جذور فى تاريخ الفراعنة
الله اعلم
بس خلينا فى التاريخ الحديث
بالظبط كده فى عصر ولى النعم محمد على باشا
الراجل كان جاى من البانيا لا بيه ولا عليه
يلاقى ثورة فى مصر
اه والله زى ما بقولكو كده ثورة زى اللى موجودة دلوقتى وسلمية برده
الناس خلعوا حاكم اسمه خورشيد باشا
كان حاكم ظالم زى مبارك كده
واختاروا ناس منهم يمثلوهم
تصوروا كده ميين؟؟
اممم
شيوخ
اشهرهم الشيخ عمر مكرم ربنا يرحمه
لاحظوا الشبه
الشيخ عمر مكرم والشيوخ اللى معاه قالوا ما ينفعش نخرج عن الباب العالى
فقالوا ايه نسلم السلطة لمين
القوة العسكرية الموجودة فى مصر والممثلة للباب العالى
واللى كانت من حظ محمد على ابن المحظوظة
سلمو السلطة للعسكر لاحظو الشبه
محمد على قال انا لا ارغب بسلطة وتمنع
زى بابا طنطاوى
المهم ضغطوا عليه لحد ما قبل
يمر الوقت ومحمد على يتغول عليهم
وينفيهم خارج مصر
ويحط البلد تحت طائلة الاحتكار
ويعمل مدابح بشعة
اممممم
الحكاية دى بتتكرر دلوقتى بنفس السيناريو
عشان كده بقول مصر دى
حضرتك بتقولى مدابح
ردحذفده على كده اللى فى سوريا ده نسميه جهنم
وكان نفسى اعرف الثورات اللى حصلت ايام الفراعنه
ياريت تزويدينا بها
اللى اعرفه ان قتل عدد من البشر فى مكان واحد ووقف واحد مالوش اسم الا مدبحة
حذفسواء فى مصر او سوريا
وبمناسبة ثورات الفراعنة
ان شاء الله ليا موضوع جديد عن ثورات الفراعنة
على فكرة فى عهد الفراعنة حدثت ثورات على جميع مستوياتها
بداية من التظاهرات والاضرابات والاعتصامات
وحتى الانقلابات العسكرية
هابقى اشرحها فى الموضوع الجديد ان شاء الله