دمعنا من الحزن جف
قلبنا محروق بنار
جسمنا من الضعف شف
والحكاية بقت هزار
هيا ثورة يا بشر
والا موت وخراب ديار
يعنى ثورة ؟؟
قلت ثورة؟؟؟
هيا ديا يا اخويا ثورة
لأ عينك
دى الثورة عورة
والى يقرب يتحرق
واللى يهتف يبقى عار
دمعنا معشش بجرحى
كله قام من مطارحى
كله موجوع من الظلام
والشهيد مل انتظار
دمع مصر يا اخويا غالى
دمع غرق الليالى
كل ما نشوف نور لفجر
يقتلوا تانى النهار
قلم/ايمان عزمى
ليست هناك تعليقات:
إرسال تعليق