متعودة دااااايما

اللى يقرى تاريخ  الثورات فى مصر لا يملك الا ان يقول هذه الكلمة اللى وردت فى احد مسرحيات عادل امام

متعودة داااااايما

مصر احسن بلاد العالم فى صنع الثورات النبيلة

اللى يقف لها العالم  فى انبهار وتعظيما وتوقيرا

ونخفض لها الدول الجباه من شده جمالها

ثم

وبعد ثم دى حط 20 خط

عشان هنا كلمة متعودة ديما

بعدها علطول الناس بتختار من يمثلهم

 ومن يمثلهم ده ذات نفسه

بيسلم السلطة والثورة والشعب للسلطة العسكرية الموجودة فى البلد

على فكرة انا مش بتكلم عن ثورة 25 يناير

دى الحكاية دى قديمة اوى فى من زمان

ممكن يكون لها جذور فى تاريخ الفراعنة

الله اعلم

بس خلينا فى التاريخ الحديث

 بالظبط كده فى عصر ولى النعم محمد على باشا

الراجل كان جاى من البانيا لا بيه ولا عليه 

يلاقى ثورة فى مصر

اه والله زى ما بقولكو كده ثورة زى اللى موجودة دلوقتى وسلمية برده

الناس خلعوا حاكم اسمه خورشيد باشا

كان حاكم ظالم زى مبارك كده

 واختاروا ناس منهم يمثلوهم

تصوروا كده ميين؟؟

اممم

شيوخ

اشهرهم الشيخ عمر مكرم ربنا يرحمه

لاحظوا الشبه 

الشيخ عمر مكرم والشيوخ اللى معاه  قالوا ما ينفعش نخرج عن الباب العالى

فقالوا ايه نسلم السلطة لمين 

القوة العسكرية الموجودة فى مصر والممثلة للباب العالى

واللى كانت من حظ محمد على ابن المحظوظة

سلمو السلطة للعسكر لاحظو الشبه

محمد على قال انا لا ارغب بسلطة وتمنع

زى بابا طنطاوى   

المهم ضغطوا عليه لحد ما قبل

يمر الوقت ومحمد على يتغول عليهم

وينفيهم خارج مصر

ويحط البلد تحت طائلة الاحتكار

ويعمل مدابح بشعة

اممممم

الحكاية دى بتتكرر دلوقتى بنفس السيناريو

عشان كده بقول مصر دى

متعودة

دااااااااااااااااايما

الكون الصامت

    الكون الصامت مليئ باصوات التناقض
    كلامه تضاد
    حديثه تشاد
    سكوته غامض
    تحسبه فى سكون
    لكنه مكتظ بالتعارض
    الكل فيه سار عكس
    والعلم فيه سار حدس
    الكون يملاه السكارى
    بلا اضاءات وشمس
    فيه النور يملأه الظلام
    والحرب ايضا قد تنادى للسلام
    المولود فى وقت الولادة
    يرتل بعض ايات الكلام
    فيه الشروق والغروب
    به الصادق والكذوب
    سر شمالا ستجد نفسك فى جنب الجنوب
    اغلب رجالا واقسم انك المغلوب

    الكون الواسع الممتد
    لا شئ فيه هزار
    لاشئ فيه جد
    كله اللون الرمادى
    والرمادى صار عادى
    قد تنادى على الخير
    او على الشر تنادى
    يحيا العدل فى عالمنا
    وايضا للظلم التمادى

    قلم //ايمان عزمى

يحكى ان

يحكى ان بلاد جاعت

كل نقيصة فيها شاعت

كل فضيلة منها ضاعت

يحكى بان الطفل وليدا

يصرخ فيها وطنى اه

كان الناس يعيشوا عبيدا

والفرعون يحيا اله

يحكى بان الكهنة لبسوا حريرا

عند عراه

يحكى بان فى زمن كان

عبد الفرعون الرهبان

صلبوا مسيحا اخر عنده

ذبحوا نبيا

قتلوا صبيا

عروا يوسف ع الشطئان

يحكى بان امام الدين

سجد لغير الله اله

صلى امام الناس لعهر

داس بقدمه على القران

ذهب الناس الجوعى لنيل

وجدو النيل الطاهر جف

وتحوم عليه الغربان

قام الناس لدرب الوادى

وجدوا الوادى كالاشباح

عند صحارى الظلمة راح

ضاق باهل البلدة عيشة

ذهبوا يصلون للفرعون

قامو وقالوا الهنا عون

قام الطفل الصارخ اه

خطب الطفل فى قوم ضلوا

ليس لغير الله صلاة

عم الناس صمت قاتل

سجد لفرعون الاعيان

القسيس والشيخ والحاخام والكهان

ثار الطفل وباسم الله

 صرخ الطفل فسقط 

امامه راس طغاه

عاد الطفل ليرضع امه

فعاد الظلم الى الاوطان

**********************

قلم ايمان عزمى

عاش الرئيس

عاش الرئيس المستغيث بالجيش
فى ايده
عاش اللى عيشنا العمر كله
فى عزبته وكنا عبيده
وعاش عياله وعاشت الست المدام
عاش الاله مع انه برده مات حفيده

عاش الرئيس ملك الملوك
عاش اللى كان فى وسطنا ديك البرابر والديوك
يصحى يكاكى ينام يكاكى
ويبهمسته يبموت حراكى
وبكلمة منه انال حريتى
حتى لو كانت كروكى

عاش الرئيس فى شرم وجنبيه الحراسه
احلى رئيس مخلوع ولسه بيمارس سياسة
عاش الرئيس سعيد وهايص
واحنا عايشين فى التعاسة


عاش اللى راح زى الملك احلى المشافى
لا زيه زين العابدين
هاربان وخافى
ولا زيه من قال انتو مين
عاقل رزين
هادى رصين
يدخل على القاضى دخول الفاتحين
ما شبهشى دخلة قذافى



عاش الرئيس
عاش الملك
مات الرئيس مات الملك
يلا اهتفوا
يلا انزفوا
جعان وخايف
من العساكر
فاكرنى يعنى هاقول ايه

عاش الرئيس
طب يلا عاش الرئيس وام الرئيس وابو الرئيس
وكل من لزم الرئيس
عاش الرئيس فرحان تعيس
عاش الرئيس زى الفرس
جوا القفص
ولا هامه قاضى ولا بوليس
ما هو كله تابع للرئيس
عاش الرئيس شاب وحليوة
وعاش الرئيس كهنة فى كيس




عاش الرئيس
عاش الملك
مات الرئيس مات الملك
يلا اهتفوا
يلا انزفوا
جعان وخايف
من العساكر
فاكرنى يعنى هاقول ايه

عاش المشير
طب عاش المشير عاشت البيادة
عاش اللى عاش حكم العبادة
عاش اللى عرى العذارى فى ارضنا
وعاش كل من قاله نعم
عاشت الغتاتة والبلادة
وعاشت الثورة العظيمة
ما هو قالوا عاشت
تحت احكام الاعادة
************************
قلم// ايمان عزمى