غردى

غردى يا روحى
بره السرب نووووحى
صرخى من القلب مرة
وجنتى فى القلب
معشقة بين جنوحى
يلا روحى
للقلب روحى

غردى يا طاهرة جوا فى السجون
غردى جوا العيون
وارمشى بالجفن خايفة
ايوة شايفة
ايوة عارفة
واسكتى يا دمعتى اوعى تبوحى

غردى يا حلوة خطى
وامشى على سيرى وخطى
ايوة حملى يا حلوة صعب
شايلة  بين ضلوعى قلب
اه هموم للسما
على  الشط  خدى وحطى
 عطرى جسمك بوردة
بالروايح تانى فوحى

غردى يا شمسى نامى
واستريحى من كلامى
موتى تانى الف مرة
موتى موتة يا شمس مرة
واخرسى صوت غرامى
واقتلى تانى جريحى

غردى كده واقتلينى
واحرمينى من حنينى
صرخى يمكن افوق
طلعينى تانى فوق
وانقذينى من جروحى

غردى علشان اعيش
غنى غنوتنا النهاردة
قعدة حلوة غموس وعيش
واحنا عايشينها حكايتنا
نسمع من بره الشاويش
بس من جوا الحنين
غير الحنين لينا مفيش
غير الحنين مشى وزوحى

غردى بسرعة وطيرى

 واحملينى من سطوحى
غردى تانى يا روحى

قلم// ايمان عزمى

انا الزعيم

ساعلى صوتى واسمع الاسماع
عليكم زعيم انا والراى بالاجماع
رضيتم ام لم ترضوا فانا الزعيم
انا فقط من فى هذا الكون عليم
انا من جلدتكم وقطعتكم
انا عليكم بكل هدوووء وبلا اندفاع


انا الذى نزعت اللقم من الافواه
انا الذى جعلتكم مسخة اشباه
ولكم جحور
ولي القصور
لكم النار
ولى النور


ولما لا فانا الزعيم
وحتى الان انا ما زلت عليكم حليم
شعب جبان وانا الشجاع
انا السبب فيما انتم فيه من بؤس وجوع
انا السبب انا انا فى كل الدموع
فلم  لا ؟؟  فانا الزعيم بالاجماع
الم اتى اليكم بانتخابات ذكية
ورفعت فوق رؤسكم بالاغلبية
فرضيتم ام لم ترضوا
فانا الزعيم معى الصراع
انا السبب اكلت لحومكم بافتراس
انا الان اقولها  نسيت الناس
انا الزعيم انا الذئاب انا السباع
انا البلد وانا الولد وانا العهود والمدد
وانتم انتم رعاع
فانا الرفيع وانت انت الشنيع
انت الوضيع

فصدقونى فانا الزعيم
 وبارضكم للغرب كريم
وراسى اطاطاها باخضاع
انا الجلاد مسبب الاوجاع
انا الفساد فى البلاد انا الضياع
انا الذى اسمعتكم حلو الكلام
انا من اوهمتكم وهم السلام
انا من  علمتكم معنى الخنوع
انا من اخضعتكم يحيى الخضوع
وقلت لكم انا الزعيم
ولم اقل



انا الخدااااااااااااااع

بقلم//  ايمان عزمى

لا تتركوا الميدان(قصيدة لليمن)

لا تتركوا الميدان
  ان فات الطاغوت
لا تتركوا الميدان وحده
 قد يموت
ميدانكم صوت جميل  يرتفع
فيه اصرخوا
فيه انفخوا
 عل الظلام يرتدع
لا تسكتوا 
تموت ثورات السكوت

لا تتركوا الميدان
يا اهل اليمن
لا تتركوا الميدان
كى يحيى الوطن
لا تتركوا جثة شهيد
 كى تبقى فتات
لا تتركوا من خضبوا  الارض
لا تتركوا الرفات


فى ارض تعز
 تعلو صوت صبية
مس الزمان
جبينها  المرهتن
ارحل  فانى  قد زهدت كل  جمال
الانوثة والسكن
ارحل كى يحيى الوطن
ارحل كى اعيش  صبية لا عجوز
ارحل كى يحيى الزمن

فيرد فى صنعاء  شاب
  بصوته المبحوح
ارحل  فان بلادنا
 تملاها الجروح
ارحل  بقتلك   يا على
ارحل  بشرك يا على
كى يحيى الوطن المذبوح
يسقط نظامك يا على
كل النظام  وكل ميل او جنوح


فيسطر الاطفال بالدم البرئ
ارحل  الى النيران او الجحيم
ارحل محاكم لا سليم
ارحل فان   اباءنا كانوا هنا
لكنهم عادوا الى الرب الرحيم
لكننا ها  ها هنا
سنسطر  ايات المحاكم والعدالة
ارحل كى تفنى النذالة
وفى التاريخ فى قسم
من قتل الشعوب
ارحل الى كوم الزبالة
لن تنفع اساليب الذئاب
ابى قد مات فى الميدان
 ونحن قد ذقنا العذاب
والله قال
((ولكم فى القصاص حياة يا اولى الالباب))



بقلم/ ايمان عزمى

العرش انهار

العرش انهار









  على التيار وصرخ صرخة
فالعرش انهار
 العرش انهار من غير دجل
ولا شعوذة
ولا كل كلام السحار


**


لما ابتسم خد الصبى
لما الشباب رجه ابى
لما احترمنا نفسنا
جه واحترمنا الاجنبى
وقال علينا كمان احرار


**


النيل هاج خوجة وفيضان
رفع السد وقال بايمان
ارحل يا ضباب ارحل يا غبار


**


العرش انهار لما الحاخامات
لطمت لطمات
قالت وحياة
كل الاشرار
صهيون وعياله وكل حمار
ليموتوا بحسرة
 كرسى وطاااار


**


يا اخواتى يا اخوانا قولولى
ميدانا امتلى دهب ولولى
والتحرير طرح نوار


**


العرش زمان
بعبع عفريت ورجل خوان
واصحابه ده غيط
وعمر سليمان
قلناله خلاص
وقف محتار
اما الفوضى او الاستقرار
صرخ الثوار
فالعرش انهار


**


وراس العرش ده كان طيار
شرق منا كده كام مليار
والله ده جبار
حنق الصحافة والاخبار
حبس الاحرار


تلاتين سنة وقالوا سلام
اهدار كرامة وكتر كلام
الشعب خلااااص اسقط نظام

**


رجعت مصر عزيزة وابيه
رجعت عربية وليها قرار


**


لا بلطجية
ولا عصبجية
ولا زيهم شلة حرامية
دى حكومة جديدة بالاختيار


**


صقف يا زمان وفى كل مكان
مسلم ومسيحى بقوا اخوان
علشان عيونها تبتسم
بقوا ثوار وبقوا احرار

العرش انهار
العرش انهار





**********
******
***
*

بقلم//  ايمان عزمى

اسكت

اسكت

من النهاردة مفيش كلام

بعد النهاردة لتكون جدع

لتحط راسك فى التراب

تحت الضلام

اسكت

يا كل فاسد او سفيه

يا كل عبد للجنيه

يا اللى انت خايف مننا

لاحسن نعيش

بعد النهاردة

اما تكون راجل بجد

لتكون مفيش

صرخ الدم لعرض البنات

طب فاضل ايه بعد البنات

ده للبنات يسقط نظام

ويقوم نظام

ونخوة تصرخ فى العروق

وناس ترجع تانى تفوق

وعاش راجل

وتانى مات

ويبان علينا صوت الغضب

مهما قالوا ده كان شغب

فض الشغب يبقى بتعرية الحريم؟

يا جيشنا فين بس الرجولة

لما هنعرى العروض

طب كنتوا فين كده على الحدود

لما اتقتل منكم رجال

على ايد صهاينة او يهود

اسكت بقى

طب هى مين؟

مصرية خرجت من القيود

بتقول بلادى

ان كان مات فيكى الرجال

فيكى بنات زى الجبال

لا فى يوم هتفت عاش الملك

ولا حتى مات

ولا سلمت ثورة للى عروا البنات

قلم/ايمان عزمى

قتل وخان

اللى خايف من دموعنا

واللى عايش فى الضلام

ساكن فى القصر الكبير

بالكبير يضرب سلام

اللى قال للشهدا لأ

اللى قتل واللى سرق

اللى زور الحقايق

واللى يكدب فى الكلام

اللى يضرب بالرصاص

واللى كان فى الاصل

 خاين بس دور على الخلاص

يحمى ثورة بحبس ناسها

والقاتل فى هاى كلاس

كلمة واحدة الشعب قالها

زمرة خايبة قام وشالها

كلب كان فوق العروش

جنبه كلب للحراسه

قيد العدل فى سلاسل

يخرس الصوت والسياسة

يقتل الاخلاق فى بطنى

يعصر القلب بشراسة

ثورة قامت يا بشر

ثورة يعنى صوت تشوفه

يعلى ولمد البصر

ثورة يعنى الشعب قام

يخلع الظلم بحذوره

يعنى حرية وكرامة

يعنى حاكم يتحكم

بالادب والاستقامة

ثورة يعنى الشعب يحكم

يعنى ايه الثورة تنجح

تانى يوم اخويا مات؟

يعنى ايه الثورة تنجح

فى الطوارئ والسكات؟

يعنى ايه العسكرى يحكم بلد

والا يعنى اتسحل بعد ما الحر اتولد

شاب فى العشرين يا عالم

ساب عيونه فى الميدان

ايوة مش شايف بعينه

بس فى الميدان امان

عسكرى على ايده دمى

واللى سلمناه دقونا

ساب حمايتى فى الخرابة

سابها راح يحمى الديابة

لا ودمى مغرقه

واللى دمى فى ايده يا امه

يبقى خان

يبقى خان

قلمى//ايمان عزمى