مواطنة ف المجهول

وانا بقرى كتاب اوقات عصيبة  للمؤلف الانجليزى تشالرز ديكنز  لفت  انتباهى شخصية  ستيفن بلاكبول
شخصية بائسة جدا  تزوج ف الشباب  فتاة جميلة  تحولت بعد الزواج  لامراة مارقة
تدمن الخمور   تبيع اثاث منزل زوجها  حتى تشترى الخمر  تقامر   حولت حياته    لتعاسة   لا مثيل لها
كانت تغيب  عن البيت ولا يعرف اين ذهبت  ثم تظهر  ولا يعلم  لما اتت
وحينما اراد ان يحل مشكلته ذهب  الى باوندرباى  وده كان راجل من اعيان  كوكتاون  (احد مدن لندن)
وساله عدة اسئلة
 كيف استطيع التخلص من هذه المراة؟
رد   باوندرباى     لا خلاص هى زوجتك  حتى الموت
هل استطيع ان اتزوج  اخرى؟؟
رد باوندرباى     : لا تستطيع
هل استطيع ان انهى زواجى منها بالقانون؟؟
رد باوندر باى : لا تستطيع
ان ضربتها؟؟
:  ستعاقب
ان تركتها
:ستعاقب
ماذا   افعل  اذن لانهى ماساتى؟؟
: انه القدر ويجب القبول به  فلا يوجد قانون يساعدك

ف الجزء ده من الرواية تنامى لذهنى     شخصية اخرى لستيفن بلاكبول  ستنشا بالفعل ف عهد المتطرفين لكن ف مصر  وهى ليست رجل انها امراة
نحمده  بنت    من ارياف كفر الشيخ    عندها 14  سنة  جميلة 
اتميزت عن باقى صحباتها  انها كانت اطول منهم  وجسمها اكبر منهم     لكن  كانت  عقلها  زى عقلهم  بتلعب معاهم ف الشارع  وبتنط الحبل   وبتجرى ع السلالم   وبتعيط  لامها علشان  تاخد نص جنيه تروح تشترى كيس شيبسى
شافها عبد الفتاح  شاب عنده 30  سنة  وحلليت ف عنيه  وكرر يروح يطلبها من ابوها
ابوها اعتبره فرصة    عبد الفتاح  عنده ارض وبيت  وبيشتغل ف الوحدة   المحلية بتاعة البلد وبياخد مرتب
ابوها قالها      والبت فرحت اوى انها هتبقى عروسة 
وعبد الفتاح   كان كل ما يجى عندهم ف الخطوبة كان بيجيبلها شيبسى وشيكولاته   
اتخطبو كام شهر   واتجوزو  اه اتجوزو   مفيش  قانون يمنع من زواجها وهيا لسه صغيرة كده
نحمده  فضلت  وقت طويل مش فاهمة متطلبات  عبد الفتاح     وبعد وقت بدا يكره البيت   وما يقعدش فيه
ومعظم الوقت بقى بره
مرت السنين  وخلفو  عيلين  وعبد الفتاح  اتغير خالص
بقى بخيل  وما بقاش بيصرف عليها  وكل ما يجى يلاقيها ملخومة ف العيال   يضربها
 ولما  تطلب منه فلوس يضربها  ولما تطلب منه  تخرج تشتغل  يضربها ويزعقلها
بقت الحياة شبه مستحيلة  طلبت منه الطلاق  رفض  بقى   بيخرج بالاسبوع ما تعرفش راح فين  ومن غير ما يسيب ف البيت فلوس ولا  تقدر تخرج م البيت    لانه مانعها
راحت    للعمدة تساله
ازاى اتخلص منه؟؟
العمدة: انتى اتهبلتى يا نحمده  ؟  تتخلصى من جوزك؟؟
نحمده: عاوزة اطلق
العمدة   : اطلبى منه الطلاق
: مش راضى  ممكن ارفع عليه قضية  واخلعه؟؟
:  العمده: مفيش قانون خلع  يا نحمده     لغوه
:  نحمده     : طب لو خرجت م البيت واشتغلت    وصرفت على عيالى    غصب عنه؟
: تتعاقبى
نحمده: طب ممكن اتحمل الضرب والاهانة   عيالى  يتحملو الجوع ازاى  اشتغل ف الحرام يا ناس؟
العمده: برده تتعاقبى
نحمده: مفيش قانون يساعدنى؟؟
العمدة:  مفيش يا بنتى ده نصيب ولازم ترضى بيه

المقالة 1 الباطل لجلج

فى كلمة السيد الرئيس   وفى وصفه  للحالة التى وصلت اليها مصر على يده وف عهده  قال تلك الجملة (الحق ابلج  والباطل لجلج)
وكان على الجميع  ان  يعرف ان  السيد الرئيس  يقصد بالحق  هو والحزب الذى يمثله     وان  هؤلاء  المعارضة  (الممولة العميلة الخائنة  والكافرة  .........الخ)    لجلج   غير ثابتة على موقف
وايذانا بكلمة الرئيس    وبتوصيفه للمشهد قررت  عمل توثيق  للرئيس  وجماعته  وحزبه    للاعوام الثلاث  الماضية  ومقارنة مواقف الجماعة بعضها ببعض   ولنرى     من  هم اللجلج

ولنبدأ ب  موقفهم من البرادعى
البرادعى واول ظهور له على  الساحة السياسية المصرية    كان فى عهد مبارك  بعد انتهاء ولاية   البرادعى ف  وكالة الطاقة الذرية وبعد  مناقشة  الشعب فى مصر من من الممكن ان يترشح مقابل مبارك    او  ابنه   فى انتخابات 2011؟؟
وطرحت اسماء  منها  زويل  وموسى   والبرادعى   و....
كلهم رفضو الزج بانفسهم فى   معركة   مع  نظام مبارك
الا البرادعى   فقد كان يعلم علم اليقين استحالة  فوزه   او حتى ترشحه  لان القوانين التى وضعها مبارك  تقيد  اى احد من المشاركة فى انتخابات كهذه
الا انه   كانت لديه تلك الشجاعة ودعى للتغيير  واولها وضع قواعد ديموقراطية  للانتخابات
حينها لم يكن للاخوان معين   ووجدت ف الوافد من الخارج  خير معين
اننى اتذكر جيدا  جدا   حجة  الاخوان فى دعمهم للبرادعى مقابل  افراد الحزب  الوطنى حينما كانو يسالون    هذا البرادعى الذى عاش معظم حياته ف الغرب ولا يعرف مصر   كيف ترضون  ان يكون رئسيا
كان الجواب:    ان هذه ميزة وليست عيب  اذ انه   لم يتلوث    بفساد  السياسة والنظام ف مصر(هذا كان رد الاخوان)
وحينما كانو يسالون   هذا البرادعىت عميل الامريكان  وسبب احتلال   العراق  كانو ينفون عنه التهمة  جملة وتفصيلا ويتحججون    وبمعاداة امريكا لترشحه فترة   ثالثة ف وكالة الطاقة الذرية
اشتركو ف الجمعية الوطنية للتغيير   تحت رئاسته  ودافعو  عنه    للنهاية فقد   كان طوق نجاه بالنسبة لهم من نظام مبارك
ثم  الفيصل
جاءت الثورة  وسقط نظام مبارك باشتراك الجميع  وحكم  العسكر    وبدات  مصر فى السير ف طريق السياسة   واولها  استفتاء  مارس  حينها  انقسمت  مصر  لاول مرة  بين  مؤيد للاستفتاء  و(عميل  كافر   ممول  خائن  ........الخ
وكان  من  ضمن  هؤلاء   البرادعى  ونجح المؤيدون ف غزوة الصناديق    ولكن لم ينتهى الامر  فقد ازاد توحض الاخوان ف تشويه   الرجل  حتى الانتخابات الرئاسية
بالاشاعات حينا  وبترديد    اتهامات انصار مبارك وجمال مبارك القديمة له حينا اخر  وكانهم لم يكونو هم  من يدافعون عنه    من ذى قبل
كلما اشتعلت الاحداث ف مصر ازدادو  تشويها  ف الرجل  وطعنا فيه  حتى  انسحب من انتخابات الرئاسة  اتهموه انه لم ينسحب  لمبدء رفضه  لطريقه  الانتخابات   ولخارطة الطريق التى وضعها العسكر لحكم الفترة الانتقالية  بل  لايمانه  بضعف قاعدته  الشعبية
لكن  هل  الاخوان ف تلك الفترة اكتشفو البرادعى بخياناته  وتمويله وعمالته  واصبحو      كارهون له على طول الطريق 
 على مبدء ان  مصلحة الوطن فوق  السياساة  وان الخائن مكانه  حبل المشنقه؟؟؟
ف الحقيقة لم يكن الامر هكذا  على الاطلاق
ففى انتخابات الرئاسة  بعدما   فاز  الثنائى الكارثى  وتاهلو  لانتخابات اعادة  (مرسى وشفيق) وكونت الجمعية التى  دعمت مرسى ف انتخابات   الرئاسة والتى عرفت اعلاميا بعاصرى اللمون    واشترطت   لدعم مرسى ان يكون البرادعى رئيسا   لوزرائه
 حينها  تمت  وصلة الغزل  للبرادعى   ففى هذا الوقت  كانت ازدادت شعبيته   وتيقن الناس من صدق معظم نبوءاته السياسية
ووعد مرسى  بان يكون البرادعى رئيسا لوزراءه
حتى  وضع  عاصرى اللمون   اصواتهم ف الصندوق
عاد الاخوان
الان    فى  ازمة الاعلان الدستورى اتهموه مجددا   بانه عميل   خائن  ممول

بالله  عيكم  من اصدق؟؟؟
اصدق  اخوان مبارك الذين يدافعون عن البرادعى ويجمعون له التمويلات؟؟
ام اخوان العسكر الذين  يعادون البرادعى   ويتهمونه بالعمالة؟؟
ام اخوان انتخابات الاعادة    الذين يتغزلون ف البرادعى ويكيلون له المديح؟؟؟؟
ام اخوان    مرسى الذين  تقدمو بدعاوى تتهم الرجل بالخيانة العظمى؟؟؟
اجيبونى من اصدق؟؟؟
واجيبونى من  اللجلج؟؟








ملحوظة//
موقفى  من البرادعى  ليس  موقف مهاجمة    وليس موقف تاييد
اعده  قامة سياسية هامة له اخطاءه   ومميزاته ونضاله

غنى يا جيكا

غنى يا جيكا  يا ولد وسمع
ده الليلة ليلة والبلد بتلمع
جايين ينادو  يا واد باسمك
فى الجو طاير وشيفاك ملعلع

غنى يا قلبى وباسم مصر واهتف
باسم البلد  وبالتحرير هنحلف
ما عادش ف جسد الوطن عفانة
دى الليلة ليلة  والجموع  مليانة


غنى يا طاغى الليلة   وقول ظلموه
جيهم لبيته ف المساء وزنقوه
عمل  فرعون والمرشد   كان ابوه

غنى يا مصر وارقصى بانغامنا
دى الثورة عايشة والجموع ادامنا


ايمان عزمى

دستور يا اهل الدار

دستور يا اهل الدار
الكل فى التحرير
والثورة للاحرار
دستور ده كلمة شعب
والشعب فيه يختار
مش منه منكو علينا
دى الثورة تحت ادينا
والنهضة طالعة علينا
ناقلة رسالة نار

طايرة بينا على فين؟
ومرفرفة الجناحين
حاجبة الضيا عنا
باضت فى انهى ديار
يمكن ف ارض الشاطر
والمرشد المحتار

نجح وجاب مقبول
الواد ده جاااااااااااااااب مقبول
عمل فيها فرعون
نسى الغلابة والناس
م القرفة عصرو لمون
سوق اللمون اهوه جف
والثورة للثوار

شاف الميدان مليان
والناس فى كل مكان
بيقولوا ع الاعلان
ما يقبله الا حمار

وقف وقال

 الشعب

والشعب مش طرطور
تعمله دفتر بفرة
وتقول عليه دستور

قلم / ايمان عزمى

بما لا يخالف شرع الله

ساضع بين يديكم الكريمة عدة معطيات واستنتجو منها ما تشاؤن من دينكم الحنيف

المعطى الاول/

بينما رسول الله - صلى الله عليه وسلم - يقسم شيئا ، أقبل رجل فأكبّ عليه ، فطعنه رسول الله صلى الله عليه وسلم بعرجون – وهو عود النخل - كان معه ، فخرج الرجل ، فقال له رسول الله - صلى الله عليه وسلم - :
( تعال فاستقد – أي اقتصّ مني - ) ، فقال الرجل : قد عفوت يا رسول الله) رواه النسائي .
الرسول صلى الله عليه وسلم كان تحت طائلة القصاص وهو خير خلق الله

 المعطى الثانى/

من الذى يحكم بالقصاص؟
الاجابة: بالطبع القضاء

المعطى الثالث/

من الذى لا توضع قراراته وافعاله تحت طائلة القضاء اى القصاص؟؟
الاجابة: ان لم يكن الرسول وان لم تكن فاطمة بنت الرسول(لو ان فاطمة بنت محمد سرقت لقطعت يدها) فلا بشر
فقط الله رب العالمين سبحانه
نستنتج من ذلك ان الله فقط هو من لا يحاسبه بشر وهى من خصائص الايمان بالله كاله

 المعطى الرابع/

ما حكم من يشارك الله ف صفة او خصيصة من خصائصه
قال ابن سعدي: "حقيقة الشرك أن يُعبَد المخلوق كما يعبَد الله، أو يعظَّم كما يعظَّم الله، أو يصرَف له نوع من خصائص الإلهية"
اى ان اصراف نوع من خصائص الالهية كما يقول ابن سعدى يعد شركا
 

الاخير

ماذا ترون فى المادة الثانية من الاعلان الدستورى الاخوانى
الإعلانات الدستورية والقوانين والقرارات السابقة عن رئيس الجمهورية منذ توليه السلطة في 30 يونيو 2012 وحتى نفاذ الدستور وانتخاب مجلس شعب جديد تكون نهائية ونافذة بذاتها غير قابلة للطعن عليها بأى طريق وأمام أية جهة ، كما لا يجوز التعرض بقراراته بوقف التنفيذ أو الإلغاء وتنقضي جميع الدعاوى المتعلقة بها والمنظورة أمام أية جهة قضائية.

اريد تطبيق الشريعة

 

 

 انا عاوزة اطبق الشريعة

بس مش بطريقة حزب النور  

ولا بعنف  التكفيريين

ولا بانتهازية الاخوان

ولا تفريط العلمانيين

ولا سفاهة الفلول

انا شايفة ان الشريعة هتحققلى كل مطالب الثورة

نعم انا:

 

اريد تطبيق الشريعة
1/
ولكم ف القصاص حياة يا اولى الالباب
(اعدام قتلة الثوار)
2/
  واحل الله البيع وحرم الربا
(مفيش قرض من بنك النكد الدولى)
3/
العدل اساس الملك
( حد ادنى وحد اقصى للاجور)
4/
ان الله حرم الظلم على نفسه وجعله بينكم محرما
(خروج جميع الثوار المعتقلين بما فيهم العسكريين)
5/
لو ان فاطمة بنت محمد سرقت لقطعت يدها
(محاكمة من حرضو على حرب اهلية حتى ولو كانو اولى قربى)

تخاريف فيسبوكية

فيه بلدين هموووووووووووووووووت وتقوم فيهم ثورة تسقط نظاميهما
ايران
والسعودية
ياااااااااااه كل مشاكل العرب تتحل

ان اكثر من يعادى المراة حقا جهتان
.
.
.
.
.
.
تلك الجهة التى تريد ان تخلق مجتمع ذكرويا لا مكان للانثى فيه
وتلك الجهة التى تنحاز للمراة ظالمة او مظلومة وتعشق نشوب حرب مجتمعية تكون طرف النزاع فيها

واحنا ف الثانوية قالولنا
الانسان حيوان مفكر
فاذا لم تكن تفكر
فانت
حيوان
يا حيوان
^_^

عاوزة اقولك حاجة
فيه فرق بين تجار الدين
وبين علماء الدين
وفرق بين طلاب الحرية
وطلاب الانحلال
م الاخر
انت مش انت وانت جعان

لا يوجد لدينا طغاة
فقط لدينا
صناع طغاة مهرة

ممكن سؤال مستفز

.
.
.
.
...
ليه تم رفع رواتب العسكريين والجيش
بقفزات كبيرة
بينما يتم شد الحزام على الاطباء والمعلمين؟؟

شيوعى خداع عاوز الاعداء يدخلو مصر

الراجل ده    الاعداء على حدود  مصر الشرقية
وف ايدهم كل القوة وعلى استعداد لدخول مصر ف اى لحظة
وعارف ممكن يعملو ايه ف مصر
دخلو قبل كده العراق
ودمرو الشام    وانتهكو الحرمات  وحرقو الاخضر واليابس
الحاكم ف حيرة  شديدة  البلد ف وضع  صعب  متأزم  ماليا
ولو الاعداء دخلو دلوقتى مش هنقدر  نسلح  الجيش  حتى بمقشات خشب
الحاكم  يقترح  انه يفرض ع الفلاحين  ضرايب  للنهوض بالدولة  لمواجهة العدو
يطلع الراجل  ده  واللى  للاسف  معظم الناس  مخدوعة  فيه لانه كان بيدافع  عن
اهله ف العراق  والشام  وهنا وهنا
يقول  للحاكم  مش  هنسمح لك بفرض ضرائب  وارهاق  الفلاحين  والعمال
كفاية المعاناة  اللى هما فيها
خد  اموال وزراءك   ومستثمريك  افرض عليهم ضرائب  وصادر  اموالهم
ولو اخدت من الفلاحين  والعمال  ضرائب  هاخرج احرضهم ضدك  ونعمل ثورة  عليك
بيعمل كده والعدو ع الحدود منتظر   مش عارفين  هيقرر  دخول مصر  امتى
بذمتك  كده  ايها القارئ  الراجل  ده  مش شيوعى     وخداع  وعاوز الاعداء  يدخلو مصر؟؟


اوعو تكونو لسه ما عرفتهوش  ده  مشهور  اوى
عارفين  انا بتكلم  على مين؟؟
انا بتكلم  عن  بائع  الملوك  والسلاطين  الشيخ العز ابن عبد السلام
التتار  دمرو  العراق  وحرقو مكتبة  بغداد   ودمرو الشام  وقضو ع الاخضر واليابس
التتار على حدود مصر  ومصر منهكة  كلها لاجئين من العراق  والشام  ولسه خارجة  من حرب مع الصليبين
والاقتصاد ف النازل   والبلد  ف الضياع
قطز  قرر  يفرض ضرائب ع العمال  والفلاحين  والشعب  علشان  يجمع اموال  لخزينة  الدولة  المفلسة
وينهض بالاقتصاد   ويجهز  الجيش
لقى الشيخ العز ابن عبد السلام  اصدر له فتوى  بتقول لا يجوز فرض ضرائب ع الشعب
الا بعد ان تساوى  امراءك   ومماليكك  بتلك  الطبقات المتوسطة
اسحب من اموالهم صادر ممتلاكتهم  واملئ خزينة الدولة
وان لم تكفى اموالهم    فخذ من العمال والفلاحين
خاف قطز  من  مكيدة  الامراء  وانقلابهم عليه  فبيدهم  شعراء  مصر(وسيلة الاعلام)
وبيدهم كتائب   مسلحة   ورجال  مجهزون  للحرب
انها الفتنة  بعينها
قال  للشيخ العز ابن عبد  السلام  رؤيته   بان ذلك قد يضعف البلد خاصة  ان الامراء اقوياء
اصر الشيخ العز على فتواه  وهدد قطز   بالجهر  بها للعامة  وتحريضهم  عليه
كل ذلك  والبلد ف حالة  ضياع  وملك قظو  لم  يرسى  بعد ولم يستقر  والتتار  على الابواب
والصليبين  يتربصون   هل  ترون  وضعا  اكثر  تازما  من هذا؟؟

اصر على موقفه  الى  ان  نزع  قطز اموال   الاثرياء    وترك  لهم ما يستطيعون الحياة  به  حياة  كريمة  دون
مضض
السؤال  الان     لمستشار  السيد الرئيس  اللى بيقول باستحالة  عمل حد ادنى  واقصى  للاجور  الان
بسبب اقتصاد الدولة  هل  الدولة ف  وضع اكثر تازم  من وضع مصر ف عهد التتار والصليبين  والحروب  المتتالية
والملك  الذى   لم يستقر  واللاجئين  الذين  يملؤن  اركانها؟؟
ولو  ان خرج  احد  الناس  بمثل  ما خرج به العز ابن عبد السلام  لنعتوه  بالشيوعى
و  الممول  والمخرب  والكاره  لحكم الاسلاميين   والعميل
هل كان العز ابن عبد السلام عميلا؟او شيوعيا؟ او ملحدا؟

لحظة  تفكير  لو سمحتم

بينهم تشابه

وجه  الشبه  بين  المتدين  المتشدد  والانسان  الملحد
قبل ما تكفرونى  وتزعقولى  وتتهمونى  تعالو  مع  بعض  نشوف  وجدان  الناس دى  فيها  ايه
انا  اخترت من  المتدين  المتشدد  السلفية  الجهادية  والتكفيريين لان ده  اللى يخصنا.


ربنا  اختار  لنفسه  99  اسما  يجمعون  اسماءه  وصفاته
اجد  انهم ينقسمون  لقسمين
قسم  لملك  الملوك
وقسم  للاله
فنجد  مثلا    الاله  (الرحمن  الرحيم  القدوس  السلام  المؤمن  الغفار  الوهاب  الرزاق  الفتاح  العليم  المؤمن  الباسط   الرافع  المعز  السميع  البصير  اللطيف  الخبير  الحليم  العظيم   الغفور  الشكور  العلى    الكريم...........الخ)
ونجد   الله  ملك  الملوك(الملك  المهيمن  العزيز  الجبار  المتكبر  الخالق  البارئ    القهار  القابض  المذل  الحكم  العدل    الحسيب  الرقيب    القادر  المقتدر    الظاهر  المنتقم  مالك  الملك  المغنى   المانع  الضار  النافع.........الخ)

طيب  ليه  التقسيمة  دى
انا  شايفة  الملحد  والمتشدد  بيشترك  وجدانهم  ف قسم  الله ملك  الملوك  وكلاهما  يغفلون  الله  الاله
المتشدد   يعبد  الله  خوفا  من  الله  القادر  المقتدر  العزيز  المذل  المنتقم    يعبد   الله بدافع  الخوف  الذى  يتحول  الى  اخافة  من  حوله
والملحد  بداخله  تلك  الروح  من التمرد  والثورة    عاش بوجدانة  الله  ملك  الملوك  واغفل  ان  الله  ايضا  اله  غفور  رحيما  مقسطا    لطيفا   سلام    عليما    واعتبر  ان  كون  الله ملك  فيجب  ان يكون   طاغيا    سبحانه    وحشاه
الاثنان  يصنع  وجدانهم     سلطة  الله   لا  حب  الله
الاثنين  بنفس الوجدان  وان اختلفت  ردة  فعلهم
  اما ذلك  الذى يحيا بوجدانه  ان  الله  اله  فقط  ويهمل  انه  ملك  الملوك  والمسير  للكون  هؤلاء  اراهم  الصوفيه
وهؤلاء  ايضا  اراهم  انحرفو  عن الاتجاه  الصحيح
ان قمة  الاعتدال  ان تحيا  بوجدانك  ان  لك  ربا    اله  وملك  للملوك  مسير  للكون  ارحم  عليك  من  امك  التى  ولدتك    ومع  ذلك  فهو  عزيز  ف  ذاته  قادر  على  كل  من ظن ف نفسه  القدرة  قوى   على كل  من يستضعفك  وقوى  عليك  ان استضعفت  غيرك
..

قال لى وقلت له

 

قال لى يبدو عليكى انكى يسارية فانتى تنتمين الى قضايا الفقراء والمهمشين

تبسمت وقلت له لا يا عزيزى لست بيسارية
نظر لى متعجبا ثم قال مستحيل ان تكونى راسمالية
اجبته سريعا لا بالطبع لست راسمالية
ابتسم وقال لى انتى لا تفهمين ماذا يكون من يكون اليساريين
قلت له وانت لا تفهم معنى التيار الاسلامى
قال قد يكون لكننا متفقان على شيئ
كلانا نريد تدمير امريكا
قلت له ومن قال لك ذلك عنى؟؟
انا لا اريد تدمير امريكا كيف اتمنى الدمار لمجموعة من البشر؟!
قال امريكا عدوة اليسار وعدوة الاسلاميين
قلت له الفرق بيننا اننا نتمنى ان يهتدى اعداءنا فنحيا نحن وهم ف سلام
^_^

مش مرة

مش مرة والتانية ولاحتى بعد الالف
ناخد على قفانا وندور كمان ونلف
والهوجة وخدانا نخرج كمان نهتف
نرجع على بيوتنا
ناخد على قفانا والكف جايب كف
مش مرة والتانية لا ده اول يوم
قومو يا اللى واكسينا قومو وصحو النوم
ريسنا كان عارف ان المشير معلوم
خاين لارضه وبلده على ايده كام مرحوم
والليلة مش اولى

مات الشهيد ف بلادى
والثورة مشلولة
شايف بعينى شهيد
وانا ايدى مغلولة
اصرخ وابكى واقول
عن دمه مسئولة
واللى اكل لحمه
واللى بلع دمه
عايش ف قصر كبير
وده باله على همه
اخيييييه عليكم ناس
سيبتو القصاص لامه

قلم //

ايمان عزمى

من انا؟؟

من انا؟
عصفور  مقيد
وسجنه مشدد
ابى الا يغرد

ابداع مهدد
فى حصن مشيد
صراخ لا يصل
وطعام محدد

****
انا حاضر ابد
انا ماضى وغد
مسجون بلا جريمة
مجيب بلا رد
طفل فى مهد
وميت فى لحد
هدوء وشد

****
انا حر سجين
مقيد بعهد
لم اعهده انا
واتحمل من عهد
****
من انا ؟
وليد الانكسار
ونصر مجدد
ارادتى حديد
لكنها ترد
انا للسيف حد
وللفساد هد
ام انا الانكسار
 كما مضى وجد

****
من انا ؟
 حلم جميل
اسمه يردد
 جيل وسيم حياته تبدد
شباب يرد
له ايدى تمد
له بالحب عهد
احب التراب
الشجر والورد
****
هزيمة فانتصار
ولى بالحياة ود

اعرفك من انا ؟

انا قرب وبعد
انا جزر ومد
انا رد وصد
انا  علم فعد
صفات لا تعد
جيل من ذهب
محظوظ من يجد
*************
********
*

بقلم// ايمان عزمى

ساكن القبور

 

هم اصابوا الدنيا

فى وجدانها

عرفوها لب وجودها

تركوها للحيتان

تاكل جدرانها

وللنسور تنهش

فى غصونها

هم تركوا الحياة

وهم احياء

الى الموتى

فى عالم انتهى منه الحياء

ساكن القبور

نزح من الدنيا الى الموتى

قبل الرحيل

الى الصمت

بدون دليل

الى الموتى كى لا

يكون للاحياء

ذليل

اصاب طرقات المدينة الحزينة

علها تشفى الجراح

لكنه وجدها بلا قانون

كل شئ فيها مباح

الفقر فيها مباح

الذل فيها مباح

الخمر فيها مباح

الغش فيها مباح

حركاتها نطاح

حقيقتها مزاح

طرقاتها اشباح

زاحم الموتى فى قبورهم

فى نسيانهم

فى كل شئ عندهم

فى صمتهم

فى ندماتهم

فى صرخات صامتة لهم

سكنوا يا ابى

فى مدن غير مدننا

 بيوت غير بيوتنا

اسوارها لا تعلوا ابدا اسوارنا

لكنها يوما لنا

لقد سكنوا المقابر

ذهبوا لعالم اخر

نزحوا لاهدى المناظر

طرقات مليئة بالاسرار

لياليها تعج بمخيف الاخبار

الليل فيها جبار

ونهارها ليس كمثل

مالنا من نهار

هم يا بنى

فى تلك المدن

فى اهدى السفن

مدن عدل بلا امل

مدن الخوف والصمت والملل

فهنا لا فرق بين

خفير او وزير

ولا انواع للبشر

وهم هنا كثير

كلهم موتى وقد سكنوا القبور

لكن الحى يا بنى

بم سكن القبور؟

لم شارك فى مصنع الامها؟

لم صنع احلامها

فصاب فيها انتماءها

هى المدن بلا احلام

بلا انغام

مدن السلام

شوارعها. مطفوءة القسمات

بيوتها . باكية المحتويات

احياؤها اموات

اصواتها صمتات

هى مدن الموت يا بنى

فلم سكن فيها الحى؟

اليس هو الانسان؟

الاحلام والاذهان

الامال والوجدان

فلم كتب على نفسه النسيان؟

ام انه من الاصل منسى

وليس بالحسبان

وراى الموتى يتذكرون

والاحياء فى توهان

بقلم/ايمان عزمى

عودوا لانسانيتكم

بسبب حالة  الطائفية بين الشيعة والسنة  احب اوضح موقفى

البعض يقول ان الشيعة هم اسوا من اليهود
والبعض يقول ان الشيعة مظلومون ف البلاد العربية


خلونى اخد منهج العظيم عبد الوهاب المسيرى 
فى مهاجمة المناهج السياسية الظالمة
دون  استخدام العنصرية والطائفية البغيضة

نعم انا اتعامل مع جميع البشر على انهم
بشر ف المقام الاول دون اية تقسيمات
اؤمن ايمان لاشك فيه ببطلان المذهب الشيعى ولو انى اؤمن
بصحته  لامنت به وانضممت له
لكن ايمانى ببطلان مذهب او دين لا يجعلنى
اقلل من تابعيه او اعاملهم  من جهة  الاختلاف بينى وبينهم
كل منا يعتقد انه  فقط على الحق
لذا  فلا مجال عندى فى توزيع الايمان والكفر على الاشخاص
اننى احترم كل الناس  ما دامو التزمو بانسانيتهم
سواء مسلم  مسيحى يهودى  وثنى  حتى ولو كان ملحد
احترامى للناس  من احترامى لذاتى   وتعاملى مع الناس على انهم ناس
ما هو الا احترام لانسانيتى  المطلقة التى لا تصنف

اذن فيما نختلف

وكما قلت اننى ساتخذ منهج المسيرى فى معالجة الموضوع
المسيرى كان يهاجم الصهيونية   وكان  يرفض مهاجمة اليهود رفضا مطلقا

اننى لا ارى فى  الشيعة كشيعة خطر 
ها هم يعيشون ف البلدان العربية من الاف السنين
نختلف معهم   وقامت  فى بدء تاريخهم حروب
لكن ها هم يعيشون ويتعايشون  مواطنون  وبشر

الخطر الحقيقى فى مهاجمتهم  وتخوينهم  وازالة هالة الوطنية 
منهم
ان  نحن خوناهم وكفرناهم  وقتلناهم ووصفناهم بتلك الصفات
لن يكون لهم بديل عن
الخطر الحقيقى   والعدو الحقيقى
بديلهم عنا هو نظام الولى الفقيه  العنصرى الدموى الطائفى بايران

بغباءنا نقوى اعداءنا بابناء بلادنا
ارفض منهج الولى الفقيه فى ايران  للحكم
ارفض المشروع التوسعى لايران ف المنطقة
ارفض  تصدير ايران لثورة  لها طابع  طائفى بالاصل

لكنى  ايضا ارفض التعامل مع  المواطنين الشيعة من نظرة انهم هم
عملاء ايران او هم الخونة
او او
..................
كفى  عنصرية ضد ابناء بلادنا
نحن من نقسم بلادنا بغباءنا

اترككم مع منتظر الزيدى
شيعى عراقى ابى  احتلال وصف انه كان لصالح الفئة الشيعية
وضرب جورج بوش بالحذاء


.........................................................

رائى  المتواضع

دمع قلبى

دمعى على قلبى اتوجع

 قلبى من دمعى اتحرق

لما اشوفهم ببتسم

روحى منى بتتسرق

ايدى فيها رعشة مرة

صوتى فيه مليون شرق

نفسى اكره

نفسى انسى

حاسة روحى بتتخنق

كل حاجة بتتعمل انا بفتكر

ادى دمعتك

وادى ضحكتك

وادى غمزتك عصبيتك

كل كلمة بتتذكر

قلبى بيها بينفجر

يسكر الدمع ف عيونى

يكتب الشوق بين جفونى

رغم كدبه والخيانة

نفسى اشوفه

نفسى اعرف ايه ظروفه

يمكن زيى يكون حزين

طب هاقول هاشكى لمين

ليه كدب؟

قلبى بيموت بالبطيئ

لما اشوفه ف كل عين

مش هاطيق

مش هاطيق احس باللى حاسة بيه

قوليه بس  قولى ليه؟؟

دمعى يشكى لحاله قلبى

قلبى يشكى لحالى دمعى

حزنى جوا القلب عايش

قلبى عايش جوا وجعى

كل كلمة .. كل همسة

كل ضحكة وكل لمسة

فيها روحه وفيها مدعى

مدعى للذكرى اللى توجع

مدعى عايش جوا وجعى

قلم // ايمان عزمى

هلاوس انتخابية

 

 

 

يقولون لك انتخب اما شفيق لتعاقب الاخوان على خيانة الثورة
او مرسى لتعاقب شفيق على قتل الشهداء

ايها الناس
حدى المقص كلاهما قاطع

 

 

 

ايها الاغبياء

لا شيئ ف الثورة اسمه امامك اختيارين غير ثوريين
الثورة هى مرور فوق الاختيارات
لعالم تحقيق المستحيل
الثورة تختار ما تريد
ولا يفرض عليها شئ
لانها دائما الاختيار الاخير

 

 

 

 

 

حينما توضع بين اختيارين احلاهما
سيئ للغاية
تكن الثورة هى الاختيار الثالث

 

 

 

مزاجى جايبنى اسمع اغنية عدى النهار
لايقة ع الموقف المهبب
اللى الثوار بقو فيه

 

 

 

حاسة ان الثوار قدمو الثورة للشعب
قبل ما تستوى
فالشعب جاله تلبك معوى

 

 

 

 

يا جماعة احنا هتفنا تغيير

كنا  نقصد تغيير النظام مش تغير بامبرز

 

 

 

 

الكنيسة لها دور كبير ف نجاح شفيق
ها
هل علمتم مدى تاثير اقباط وطنكم فى مستقبل بلادكم
ام مازلتم فى نوم؟؟؟

 

 

 

 

كنت بكره الكواكبى علشان كلمة قالها

( من الخطأ أن يضحي المصلح لأجل شعب استمرأ الذل والعبودية ! لأن الشعب الذي لا يريد الحرية ، هو أول من يخذل المصلحين الأحرار !)

عذرا عبد الرحمن الكواكبى
لاول مرة افهم كلامك
دلوقتى حاسة بمرارة دم الشهدا ف حلقى

 

 

 

 

 

 

بعد ثورة تونس اعلامنا قال مستحيل تكرار السيناريو ف مصر
لان الشعب التونسى متعلم والشعب المصرى غير
نسبة الامية كبيرة
اممممم
الثورة قامت بها نخبة متعملة واعية
لكن التصويت كشف عوار المجتمع

 

 

 

 

 

احنا احلى شعب
عملنا ثورة لاسقاط النظام 2011
وانتخبنا النظام اللى سقط2012

طلعت الكاميرا الخفية بجد
اه يا ابن اللعيبة

 

 

 

 

 

 اخى الثائر العزيز   اذا اتهمك احدهم بالجنون

ابتسم واقفل السكة ف وشه  واعرف بقى انه

نعم الثورة ام الجنون

 

 

اول ما سمعت ان نتيجة الانتخابات

هتبقى بين مرسى

وشفيق    الهجرة من مصر كانت اول حاجة فكرت يها

 

 

 

الدولة العسكرية تحسن استغلال الدين

والدولة الدينية  توجد  دائما لنفسها ميليشيات مسلحة

الحل دولة مدنية بهوية دينية واحترام للمؤسسة العسكرية

خارج معترك السياسة 

والا هتبقى كرنبيط 

 

 

 

 

 

وصول  ابو الفتوح ابو صباحى لقصر الرئاسة كان ينبؤنى  بان خالد على

رئيس الدورة القادمة

الان اتنبا  ان رئيس الدورة القادمة قد يكون جمال مبارك 

ايوة هاسكت

 

 

 

 

 

 

 

 ايوة هاسكت
لما تبقى الخيانة طبع عام
والامانة دور كلام
حب الوطن عليه سلام
لما يبقى النيل ده قلة
والهرم حتة حطام
لما يبقى الرملة موت
الخضار سم الزؤام
لما تبقى الثورة يوم وفات خلاص
والميدان حبة زحام
يبقى هاسكت

يبقى هاسكت اه واسلم للى خان
يبقى اسكت اه واموت من غير ميدان
اه اموت انا ع السرير
راح حقير وجه حقير
والرصاصة اللى ف دراعى
يرجع الالم اللى كان
ايوة هاسكت ع الشهيد
مات شهيد وعاش عبيد
لما تبقى الصرخة موتة
يبقى هاسكت

ايوة هاسكت ع الندالة
وع الوضاعة وع النطاعة
ايوة هابقى زيهم سمعا وطاعة
والا هابقى زيهم 

امشى م ع الكرسى ساعة

اقتل ادبح

اسرق اشبح

وارتكب مليون فظاعة

تانى ارجع مبتسم

وادوس ع الدم  بوضاعة

ايوة هاسكت

 

يحلف الدهر انى  لم اخون

يحلف الدهر انى  كنت غاية ف الجنون

لما قالو الثورة قامت ع الجنون

يحلف الدهر انى كنت مشروع شهيد

بس كنت اقل منه عشت اشوف حكم العبيد

يبقى  يادى  الزمان سيبنى اسكت

ايوة هاسكت

قلم //ايمان عزمى